ທຸລະກິດເຄືອຂ່າຍ, ທຸລະກິດຂາຍຕົງ, mlm lao, ວຽກເສີມ, ອາຊີບ, ຕຳແໜ່ງວ່າງ, ສ້າງເວັບໄຊ | email marketing, getresponse, website, ramita lao

ເຮັດສະແປມ: ຫົນທາງສູ່ຫາຍະນະໃນທຸລະກິດເຄືອຂ່າຍ

ຫລາຍປີກ່ອນ, ຍ້ອນຢາກຫາຊ່ອງທາງເພີ່ມເຕີມ ໃນການເຮັດການຕະຫລາດເພື່ອໂຄສະນາສິນຄ້າ ແລະ ການບໍລິການກັບລູກຄ້າ. ເຊິ່ງປະຢັດເງິນ, ເວລາ ແລະ ແຮງງານ… ນັກໂປຣແກຣມເມີ້ບາງກຸ່ມຈິ່ງຄົ້ນຄິດແລະສ້າງ: ໂປຣແກຣມດູດອີເມວໄດ້ສຳເລັດ. ແລະໃຊ້ບັນດາ ໂປຣແກຣມເຫລົ່ານີ້ ເພື່ອໄປດູດອີເມວນຳເວັບໄຊຊື່ດັງຕ່າງໆ, ຈາກນັ້ນກໍ່ມາກັ່ນຕອງເປັນອີເມວບໍລິສຸດ ແລ້ວສົ່ງອີເມວ ໂຄສະນາຊວນເຊື່ອໄປຫາອີເມວນັ້ນໆ… ນີ້ແມ່ນຈຸດເລີ່ມຕົ້ນຂອງຄຳວ່າ: ສະແປມເມວ. ເບື້ອງຕົ້ນກໍ່ໄດ້ຮັບຄວາມນິຍົມຢ່າງແຜ່ຫລາຍ, ເຊິ່ງລວມໄປເຖິງຂົງເຂດທຸລະກິດເຄືອຂ່າຍ… ແຕ່ຫລັງຈາກນັ້ນບໍ່ດົນ: ສະແປມເມວໄດ້ກາຍເປັນສິ່ງທີ່ ໜ້າລັງກຽດຂອງຄົນທົ່ວໂລກຢ່າງໄວວາ, ເພາະເປັນການລະເມີດສິດທິສ່ວນຕົວຂອງເຈົ້າຂອງອີເມວ, ສົ່ງເຂົ້າມາໂດຍບໍ່ໄດ້ຮັບການຍິນຍອມຈາກເຈົ້າຂອງ. ຈົນຫລາຍໆປະເທດກໍ່ໄດ້ອອກກົດໝາຍ ຄຸ້ມຄອງຜູ້ໃຊ້ອິນເຕີເນັດທັງຫລາຍ. More »

ເຮັດທຸລະກິດເຄືອຂ່າຍແບບນີ້ຖ້າຢາກໃຫ້ຄົນທັງໂລກລັງກຽດ

ການເຮັດທຸລະກິດເຄືອຂ່າຍເປັນອີກອາຊີບໜຶ່ງທີ່ດີ, ເປັນການໃຊ້ເວລາວ່າງໃຫ້ເກີດປະໂຫຍດ, ບົ່ງບອກຄວາມເປັນຕົວທ່ານ: ດຸໝັ່ນ, ເປັນຄົນທີ່ມີຝັນອັນສວຍງາມ…ແລະທີ່ສຳຄັນຄື: ຢາກຊ່ວຍເຫລືອຄົນຮັກແພງທີ່ຢູ່ອ້ອມຂ້າງໃຫ້ເຫັນໂອກາດທີ່ດີໃນທຸລະກິດເຄືອຂ່າຍ. ຄວາມຫວັງດີທີ່ຢາກຊ່ວຍເຫລືອໃນທຸລະກິດເຄືອຂ່າຍນີ້ລະມັນໄດ້ເຮັດໃຫ້ພວກເຮົາເຈົ້າຂ້ອຍເຈັບຊ້ຳຫົວໃຈມາຫລາຍຕໍ່ຫລາຍເທື່ອນັບຈຳນວນບໍ່ໄດ້ແລ້ວ(ໜຶ່ງໃນນັ້ນມີຂ້າພະເຈົ້າຢູ່ນຳ). ໃນຄວາມຄິດພວກເຮົາຄື: ໃຫ້ໂອກາດແລະຊ່ວຍເຫລືອຜູ້ຄົນໃຫ້ເຫັນອີກອາຊີບໜຶ່ງທີ່ສາມາດສ້າງອະນາຄົດໃຫ້ສົດໃສໄດ້. ແຕ່ໃນຄວາມຄິດທີ່ຄົນເຮົາໄປແນະນຳລະ? ເຂົາຄິດແບບດຽວກັບພວກເຮົາບໍ່? ແນະນຳໄປແນະນຳມາຫລາຍໆເທື່ອ, ຢ້ານແຕ່ເຂົາຄິດແນວນີ້: ເຂົ້າໃຈວ່າຄິດຮອດຄິດເຖິງກັນຈິ່ງໂທມາຢາມຖາມຂ່າວ, ທີ່ແທ້ກໍ່ຢາກມາຂາຍຂອງໃຫ້, ຢາກມາຊວນເຂົ້າຮ່ວມທຸລະກິດນຳດອກ, ຄັນຊັ້ນຄືຊິບໍ່ໂທມາຫລືມາຫາຮອດເຮືອນດອກ, ຂ້ອຍມີວຽກເຮັດ, ໜ້າທີ່ການງານກໍ່ໝັ້ນຄົງແລ້ວ, ລາຍໄດ້ກໍ່ພໍຢູ່ພໍກິນແລ້ວ, ຂ້ອຍບໍ່ມີເວລາ, ຂ້ອຍບໍ່ສົນໃຈ, ມັນຫລອກລວງຕົ້ມຕຸ໋ນ…ແທນທີ່ເຂົາຈະຄິດວ່າ: ທ່ານເປັນຄົນມີນ້ຳໃຈ, ມີຂ່າວດີໆກໍ່ໂທມາບອກ, ສົ່ງຂ່າວຮອດເຮືອນ; ສຸດທ້າຍ, ຄວາມຫວັງດີຂອງທ່ານກໍ່ຖືກເບິ່ງວ່າເປັນຄວາມຫວັງຮ້າຍຊ້ຳ…ທ່ານລອງຖອດວິນຍານແລ້ວໄປສວມໃສ່ຮ່າງກາຍເຂົາເບິ່ງ, ຫາກເຂົາປະຕິບັດກັບທ່ານເປັນປະຈຳແບບນີ້, ໂທຕິດຕາມຊ່ຳເປັນຄົນພິເສດ VIP ແບບນີ້, More »

ວິລະກຳ: ການເຮັດທຸລະກິດເຄືອຂ່າຍ ທີ່ຊາດນີ້ບໍ່ມີວັນລືມ

ຫາກເອົາເລື່ອງວິລະກຳການເຮັດທຸລະກິດເຄືອຂ່າຍໃນອະດີດຂອງຂ້າພະເຈົ້າມາລວມກັນແລ້ວ, ຄິດວ່າໜ້າຈະສ້າງເປັນຮູບເງົາເລື່ອງສັ້ນໄດ້, ລະອິດລະອ້ຽວ, ຜະຈົນໄພແບບຂົນລຸກ, ຫລົ້ມເຫລວຖັງແຕກ, ໃຈກ້າບ້າບິ່ນ, ລົດຄືຄົນຄົນຄືລົດ, ເວລາຫວ່າງຕ້ອງຫາວິທີພົບຜູ້ມຸ່ງຫວັງໃຫ້ໄດ້…ຫາກເປັນປຶ້ມນັ່ງຂຽນອອກມາຄືຊິເປັນບົດນິພົນຫົວຂະໜາດໜາໃຫຍ່. ເລື່ອງນີ້ຈັດໃຫ້ຕາມຄໍາຂໍຂອງເພື່ອນສະມາຊິກເວັບໄຊຫລາຍຄົນຂອງຂ້າພະເຈົ້າທີ່ສົ່ງອີເມວມາຖາມເລື່ອງການເຮັດທຸລະກິດເຄືອຂ່າຍໃນອະດີດຂອງຂ້າພະເຈົ້າເປັນແນວໃດ, ຫລົ້ມເຫລວມາຈັກເທື່ອແລ້ວ, ເຫດໃດຈິ່ງຮູ້ວິທີນີ້, ໃຜສອນ…ຢາກໃຫ້ຂ້າພະເຈົ້າແບ່ງປັນໃຫ້ໄດ້, ມີບາງລາຍຂູ່ຂ້າພະເຈົ້າອີກວ່າຫາກບໍ່ແບ່ງປັນຊິຢຸດຕິດຕາມທຸກຂ່າວສານກ່ຽວກັບຂ້າພະເຈົ້າຕະຫລອດຊາດ, ຈະບໍ່ເຂົ້າມາໜ້າເວັບຂ້າພະເຈົ້າອີກເລີຍ(ເວົ້າແນວນີ້ໃຜຊິບໍ່ໃຈອ່ອນລະນໍ)…ຂ້າພະເຈົ້າກໍ່ຄິດຈະແບ່ງປັນຢູ່ດອກ, ແບ່ງປັນໃຫ້ແລ້ວຢ່າລືມອ່ານໃຫ້ໝົດເດີເພື່ອນໆ, ຄົບທຸກລົດຊາດອີຫລີ່ຂໍກາລັນຕີ. More »

ທຸລະກິດເຄືອຂ່າຍຂຸມຊັບທີ່ທ່ານສົມຄວນເປັນເຈົ້າຂອງ

ໃນຫລາຍສິບໆປີກ່ອນນີ້, ທຸລະກິດເຄືອຂ່າຍແມ່ນຖືກຄັດຄ້ານຈາກຜູ້ຄົນທົ່ວໄປໃນທົ່ວສັງຄົມວ່າ: ເປັນທຸລະກິດຫລອກລວງ, ແຊລູກໂສ້, ປິລະມິດ, ມັນນີ້ເກມ(ມາໄວໄປໄວ)…ເພາະມີບໍລິສັດຈຳນວນໜຶ່ງເປີດຕົວບໍ່ພໍເທົ່າໃດຫລອກໃຫ້ຄົນສະໝັກຮ່ວມງານໄດ້ເງິນພຽງພໍແລ້ວກໍ່ປິດຕົວລົງ…ໂດຍເຫດຜົນສ່ວນໃຫຍ່ແມ່ນມາຈາກບັນຫາເລື່ອງການເງິນ, ບໍລິສັດເຄືອຂ່າຍຈິ່ງຖືກເບິ່ງພາບລວມໃນແງ່ລົບມາໂດຍຕະຫລອດ. ແຕ່ຫລັງຈາກນັ້ນ, ບໍລິສັດເຄືອຂ່າຍຊື່ A…ເປີດຕົວຂຶ້ນແລະປະສົບຜົນສຳເລັດຍິ່ງໃຫຍ່ເກີນຄາດ. ບໍລິສັດເຄື່ອຂ່າຍຫລາຍໆຄ້າຍກໍ່ເປີດຕົວຂຶ້ນຕາມລຳດັບ, ເຊິ່ງມີຫລາຍບໍລິສັດທີ່ມີຊື່ສຽງໂດງດັງແລະຍິ່ງໃຫຍ່ມາຮອດປະຈຸບັນນີ້…ແລະມັນກໍ່ໄດ້ພິສູດຕົວມັນເອງແລ້ວວ່າ, ນີ້ແມ່ນທາງອອກໜຶ່ງຂອງຄົນທີ່ຢາກເຮັດວຽກເສີມ, ຫລືຢາກເຮັດເປັນວຽກເຕັມເວລາເປັນເຈົ້າຂອງກິດຈະການ. ສຸດທ້າຍ, ທຸລະກິດເຄືອຂ່າຍຈິ່ງຖືກຍອມຮັບຈາກຄົນໃນສັງຄົມກວ້າງຂຶ້ນ. ຈົນເຖິງປະຈຸບັນນີ້, ທຸລະກິດເຄືອຂ່າຍໄດ້ສ້າງກຸ່ມຄົນເສດຖີເງິນລ້ານ(ບໍ່ແມ່ນລ້ານກີບ)ແລະປ່ຽນຊີວິດພວກເຂົາເຈົ້າເຫລົ່ານັ້ນຈາກໜ້າມືເປັນຫລັງມື, ຈາກຄົນຕົວເປົ່າກາຍເປັນຄົນມີຄົບທຸກສິ່ງທຸກຢ່າງ: ມີເຮືອນ, ມີລົດ, ມີສຸຂະພາບທີແຂງແຮງ, ມີເງິນແລະອິດສະຫລະພາບທາງເວລາຢ່າງແທ້ຈິງ… More »

ເປີດໂປງທາດແທ້: ທຸລະກິດເຄືອຂ່າຍ Vs ທຸລະກິດສ່ວນຕົວ

ນັບເປັນເວລາດົນນານທີ່ຄົນໃນສັງຄົມສ່ວນໃຫຍ່ມັກເບິ່ງທຸລະກິດເຄືອຂ່າຍໃນແງ່ລົບ: ເປັນທຸລະກິດຫລອກຫລວງ, ຕົ້ມຕຸ໋ນ…ສຽງເຫລົ່ານີ້ສ່ວນໃຫຍ່ແມ່ນສຽງທີ່ອອກມາຈາກຄົນທີ່ເຮັດແລ້ວບໍ່ປະສົບຜົນສຳເລັດ, ແລ້ວເຫລົ່າຈາກປາກຕໍ່ປາກສືບຕໍ່ກັນມາ. ທີ່ໜ້າເສົ້າໃຈໄປກວ່ານັ້ນພວກເຂົາຖືກຊັກຊວນເຂົ້າມາຮ່ວມທຸລະກິດດ້ວຍຄຳຊັກຊວນທີ່ຜິດໆຄື: ເຮັດງ່າຍ, ຂຶ້ນຕໍ່າແໜ່ງໄວ, ໄດ້ເງິນດີ (ໂດຍບໍ່ບອກເຂົາວ່າເຂົາຕ້ອງຜ່ານຫຍັງແດ່ເພື່ອຈະໄດ້ຮັບຜົນຕອບແທນເຫລົ່ານັ້ນ). ແຕ່ໃນປະຈຸບັນນີ້, ທຸລະກິດເຄືອຂ່າຍກໍ່ເປັນອີກອາຊີບໜຶ່ງທີ່ໜ້າຈັບຕາ, ເປັນອາຊີບທີ່ສຸຈະຫລິດ, ມັນໄດ້ສ້າງຄົນເປັນເສດຖີເປັນຈຳນວນຫລວງຫລາຍແລ້ວ, ປ່ຽນຊີວິດພວກເຂົາເຈົ້າເຫລົ່ານັ້ນຈາກໜ້າມືເປັນຫລັງມື. ແຕ່ກໍ່ປະຕິເສດບໍ່ໄດ້ວ່າ, ມັນໄດ້ສ້າງຄວາມຫລົ້ມເຫລວໃຫ້ຄົນຈຳນວນຫລວງຫລາຍເຊັ່ນດຽວກັນ (ແຕ່ມັນກໍ່ເປັນເລື່ອງທຳມະດາຂອງການເຮັດທຸລະກິດຢູ່ແລ້ວ). ຄົນທີ່ມີໄອເດຍດີ, ມີແຜນການເຮັດວຽກທີ່ຊັດເຈນ, ຄວາມດຸໝັ່ນ, ທີ່ຂາດບໍ່ໄດ້ກໍ່ຄືເຄື່ອງມືຊ່ວຍຜ່ອນແຮງໃນການເຮັດວຽກ (ອັບລາຍທີ່ເປັນທີ່ປຶກສາທີ່ດີ, ອິນເຕີເນັດ…) ໂອກາດທີ່ຈະປະສົບຜົນສໍາເລັດກໍ່ຈະມີສູງ. ແຕ່ກົງກັນຂ້າມ, ຫາກເຮັດວຽກແບບຄົນທົ່ວໄປ, ບໍ່ມີແຜນທີ່ຊັດເຈນ, 3 ມື້ດີ 4 ມື້ໄຂ້ໂອກາດທີ່ຈະປະສົບຜົນສຳເລັດເປັນໄປໄດ້ຕໍ່າ. More »